Log sochte hain ke muhabbat bar bar ho sakhti hai. Ek dafa ki muhabat agar kamyaab nai hui tu dobara ho jayegi per mera yeh nazria nai hai. Mere khayal se muhabbat ya pyaar sirf ek baar hi ho sakhta hai. Wo insaan phir chahe apki zindagi se nikal jaye ya door chala jaye, shaid adat ho jaye uske na hone ki per dil ki dharkanon ko jis teranh usne betarteeb kia tha wese koi nai ker payega.
Ya yeh kehna ziada munasib rahega ke apka subconcious mind apki dil ki dharkanon ko phir wese betarteeb hone hi nai dega. Jee haan apka subconcious mind, wo abhi bhi sirf us ek insaan se jure armanon pe hi machlega. Yehi waja hai ke hum apni zindagi mein ek us insaan ke baad ane wale her shaks se samjhota kerne mein bhi mushkil mehsoos kerte hain or agr ker hi lein tu wo samjhota hi hota hai phir, hamari merzi bht kam hoti hai. Khushiyan waqti ho jati hain. Dil demagh dobara wese kabhi pursakoon nai ho pata jese ek us sakhs ke hone se hota tha.
Khud sochiye dil jese ek us insaan ke text message pe dharkta hai ajj bhi kia kabhi kisi or insaan ki waja se us taal pe dharak payega ? Or yehi baatein sochte sochte depression ki waja ban jati hain.
Is jaga yehi kehna behter hai ke pheli muhabat Allah ki ho ta ke ta-Qayamat dil munawar rahe or pursakoon.
Per masla yahan uth-tha hai ke hum logon ko is cheez ki akal bht late ati hai. Tab tak hum pheli muhabat wala khel bure tareeke se haar chuke hote hain. Or bas ab khali haath pheli muhabat dobara pane ki koshish mein jadojehed kerte rehte hain per yeh bhool jate hain ke ab pheli muhabat kho gai hai hamesha ke lie or hamesha ki kho jane wali cheezein wapis nai aya kertein.
